19ஆம் நூற்றாண்டில் சமூக, சமய சீர்திருத்த இயக்கங்கள்

19ஆம் நூற்றாண்டில் சமூக, சமய சீர்திருத்த இயக்கங்கள்

ஆங்கிலக் கல்வி பயின்ற நடுத்தர வர்க்கம் மேற்கத்தியக் கருத்துக்களின் தாக்கத்திற்குள்ளானது. இவ்வர்க்கம் சீர்திருத்த இயக்கங்களிலும் அரசியலிலும் தலைமை வகிக்கத் தொடங்கியது. சீர்திருத்த இயக்கங்களை இரண்டாக வகைப்படுத்தலாம்: சமூக சீர்திருத்த இயக்கங்கள், சமயப் புத்தெழுச்சி மீட்டெடுப்பு இயக்கங்கள்.

பிரம்ம சமாஜம்

நிறுவனர்: ராஜா ராம்மோகன் ராய் (1828)

• சதி எனப்படும் உடன்கட்டை ஏறுதல் பழக்கத்தை ஒழிக்கப் போராடினார்
• 1829இல் சதி ஒழிப்புச் சட்டம் நிறைவேற்றப்பட்டது (லார்ட் வில்லியம் பெண்டிங்)
• பெண்கல்வி, விதவை மறுமணம் ஆகியவற்றை ஆதரித்தார்
• ஒரே கடவுள் கொள்கையை வலியுறுத்தினார்; உருவ வழிபாட்டை எதிர்த்தார்

ஆரிய சமாஜம்

நிறுவனர்: சுவாமி தயானந்த சரஸ்வதி (1875, பம்பாய்)

• "வேதங்களுக்குத் திரும்புக" என்ற முழக்கத்தை முன்வைத்தார்
• சாதி வேறுபாடு, உருவ வழிபாடு, குழந்தைத் திருமணம் ஆகியவற்றை எதிர்த்தார்
• சுத்தி இயக்கம் மூலம் மதம் மாறியோரை மீண்டும் இந்து சமயத்தில் சேர்த்தார்
• "சத்தியார்த்த பிரகாசம்" என்ற நூலை எழுதினார்

இராமகிருஷ்ணா மிஷன்

நிறுவனர்: சுவாமி விவேகானந்தர் (1897)

• இராமகிருஷ்ண பரமஹம்சரின் சீடர்
• 1893இல் சிகாகோ சர்வமத மாநாட்டில் உரையாற்றினார்
• அனைத்து மதங்களும் சமம் என்ற கருத்தை வலியுறுத்தினார்

அலிகார் இயக்கம்

நிறுவனர்: சையத் அகமது கான் (1875)

• முகமதிய ஆங்கிலோ-ஓரியண்டல் கல்லூரியை நிறுவினார் (பின்னர் அலிகார் முஸ்லிம் பல்கலைக்கழகம்)
• முஸ்லிம்களிடையே நவீனக் கல்வியை ஊக்குவித்தார்

தியோசபிக்கல் சொசைட்டி (பிரம்ம ஞான சபை)

நிறுவனர்கள்: மேடம் பிளாவட்ஸ்கி, கர்னல் ஆல்காட் (1875, நியூயார்க்)

1882இல் இந்தியாவில் அடையாறு, சென்னையில் தலைமையகம் அமைக்கப்பட்டது. அன்னிபெசன்ட் இவ்வியக்கத்தின் தலைவரானார்.

ஜோதிபா புலேயின் சமூக இயக்கம்

ஜோதிராவ் புலே சாதி வேறுபாட்டை எதிர்த்துப் போராடினார். 1873இல் சத்ய சோதக் சமாஜத்தை நிறுவினார். தாழ்த்தப்பட்டோர் மற்றும் பெண்களுக்கான கல்வியை வலியுறுத்தினார்.

தமிழ்நாட்டில் சீர்திருத்த இயக்கங்கள்

தலைவர்	பங்களிப்பு
இராமலிங்க அடிகள்	சமரச சுத்த சன்மார்க்க சபை நிறுவினார்; ஜாதி வேறுபாடு, மூடநம்பிக்கைகளை எதிர்த்தார்
அயோத்திதாசர்	தாழ்த்தப்பட்டோர் உரிமைகளுக்காகப் போராடினார்; ஒரு பைசா தமிழன் பத்திரிகை நடத்தினார்
நாராயண குரு (கேரளா)	"ஒரே ஜாதி, ஒரே மதம், ஒரே கடவுள்" என்ற முழக்கம்