அறவியல் இலக்கியங்கள்

• உலகிற்கு அறம் கூறும் நோக்கோடு எழுந்த இலக்கியங்களை அறவிலக்கியங்கள் என்றும், அறங்கூர் கவிதைகளை அறக்கவிதைகள் என்றும் குறிப்பிடுவர்
• காலம்: கி.பி 3 ஆம் நூற்றாண்டு முதல் கி.பி 6 ஆம் நூற்றாண்டு வரை

பதினெண் கீழ்க்கணக்கு நூல்கள்

சங்கம் மருவிய காலத்தில் இயற்றப்பட்ட பதினெட்டு நூல்கள்:

நாலடி நான்மணி நானாற்ப தைந்திணைமுப்
பால்கடுகம் கோவை பழமொழி - மாமூலம்
இன்னிலைய காஞ்சியோ டேலாதி என்பவே
கைந்நிலைய வாம் கீழ்க்கணக்கு

வகைப்பாடு:

• அறம்: பதினொன்று
• அகம்: ஆறு
• புறம்: ஒன்று

பதினென்கீழ்கணக்கு நூல் பட்டியல்

நூல்	ஆசிரியர்
திருக்குறள்	திருவள்ளுவர்
நாலடியார்	சமணமுனிவர்கள்
நான்மணிக்கடிகை	விளம்பிநாகனார்
இன்னாநாற்பது	கபிலர்
ஆசாரக்கோவை	பெருவாயின்முள்ளியார்
பழமொழிநானூறு	முன்றுறைஅரையனார்
சிறுபஞ்சமூலம்	காரியாசான்
ஏலாதி	கணிமேதாவியார்
இனியவைநாற்பது	பூதஞ்சேந்தனார்
திரிகடுகம்	நல்லாதனார்
முதுமொழிக்காஞ்சி	கூடலூர்க்கிழார்

களவழி நாற்பது

• பதினெண்கீழ்க்கணக்கு நூல்களுள்

  புறப்பொருள் சார்ந்த ஒரே நூல்
• களம்: ஏர்க்களம், போர்க்களம்
• ஆசிரியர்: பொய்கையார்
• சோழன் கோச்செங்கணான், சேரன் கணைக்கால் இரும்பொறையை வென்று சிறையிலிட்டதால் அவனை மீட்க பாடப்பட்டது
• சிறப்பு: இதிலுள்ள ஒவ்வொரு பாடலின் இறுதி சொல்லும் 'அட்டக்களத்து' என்று முடிவது
• பரணி என்ற சிற்றிலக்கிய வகை தோற்றம் பெறுவதற்கு இந்நூலே காரணம்

ஒருமறை - திருக்குறள்

• மணிமுடியாக விளங்கும் திருக்குறள் உலகம் போற்றும் பொதுமறை
• முப்பால்: அறம், பொருள், இன்பம்
• விவிலியத்திற்கு அடுத்தபடியாக உலகின் பெரும்பான்மையான மொழிகளில் மொழிபெயர்க்கப்பட்ட பெருமையுடையது
• திருவள்ளுவர் பிறந்த ஆண்டு: கி.மு 31

இருநானூறு

நாலடியார்

• திருக்குறளுக்கு அடுத்த நிலையில் வைத்து எண்ணத்தக்கது
• மற்ற பெயர்கள்: நாலடி, நாலடி நானூறு, வேளாண்வேதம்
• சமணமுனிவர்களால் பாடப்பட்ட 400 வெண்பாக்களின் தொகுப்பு
• தொகுத்தவர்: பதுமனார்

இம்மை பயக்குமால் ஈயக் குறைவின்றால்
தம்மை விளக்குமால் தாமுளராக் கேடின்றால்
எம்மை உலகத்துக்கும் யாம்காணேம் கல்விபோல்
மம்மர் அறுக்கும் மருந்து
— நாலடியார் (கல்வியின் சிறப்பு)

பழமொழி நானூறு

• 400 வெண்பாக்களால் ஆனது
• ஆசிரியர்: முன்றுறை அரையனார்
• ஒவ்வொரு பாடலின் இறுதியிலும் ஒரு பழமொழி அமைந்துள்ளது

நாடி நமரென்று நன்கு புரந்தாரைக்
கேடு பிறரோடு சூழ்தல் கிளர்மணி
நீடுகல் வெற்ப நினைப்பின்றித் தாமிருந்த
கோடு குறைத்து விடல்
— பழமொழி நானூறு

மும்மருந்து

பதினெண்கீழ்க்கணக்கு நூல்களுள் மருந்து பெயர்கள் கொண்ட மூன்று அறநூல்கள்:

1. திரிகடுகம்

• மூலிகைகள்: சுக்கு, மிளகு, திப்பிலி
• ஒவ்வொரு செய்யுளிலும் மூன்று கருத்துக்கள்
• 100 வெண்பாக்கள்
• ஆசிரியர்: நல்லாதனார்

2. சிறுபஞ்சமூலம்

• மூலிகைகள்: கண்டங்கத்திரி, சிறுவழுதுணை, சிறுமல்லி, பெருமல்லி, நெருஞ்சி
• ஒவ்வொரு செய்யுளிலும் ஐந்து கருத்துக்கள்
• 102 வெண்பாக்கள்
• ஆசிரியர்: காரியாசான்

பொருள்போக மஞ்சாமை பொன்றுங்காற் போர்த்த
அருள்போகா வாரறமென் றைந்தும் இருள்தீரக்
கூறப்படும் குணத்தான் கூர்வேல்வல் வேந்தனால்
தேறப்படும் குணத்தி னான்
— சிறுபஞ்சமூலம்

3. ஏலாதி

• மூலிகைகள்: ஏலம், இலவங்கப்பட்டை, நாககேசரம், மிளகு, திப்பிலி, சுக்கு
• ஒவ்வொரு செய்யுளிலும் ஆறு கருத்துக்கள்
• 80 வெண்பாக்கள்
• ஆசிரியர்: கணிமேதாவியார்

நானாற்பது

நானாற்பது என்று அழைக்கப்படும் நான்கு நூல்கள்:

1. இன்னா நாற்பது (அறநூல்) - கபிலர்
2. இனியவை நாற்பது (அறநூல்) - பூதஞ்சேந்தனார்
3. கார் நாற்பது (அகநூல்)
4. களவழி நாற்பது (புறநூல்)

கற்றார்முன் கல்வி உரைத்தல் மிகஇனிதே
மிக்காரைச் சேர்தல் மிகமாண முன்இனிதே
எள்துணை யானும் இரவாது தான்ஈதல்
எத்துணையும் ஆற்ற இனிது
— இனியவை நாற்பது

மணிமொழிக்கோவை

மூன்று நூல்கள்:

1. நான்மணிக்கடிகை

• நான்கு அரிய கருத்துக்கள் ஒவ்வொரு செய்யுளிலும்
• 104 வெண்பாக்கள்
• ஆசிரியர்: விளம்பிநாகனார்

கள்வம் என்பார்க்கும் துயில்இல்லை காதலி மாட்டு
உள்ளம் வைப்பார்க்கும் துயில்இல்லை ஒண்பொருள்
செய்வம் என்பார்க்கும் துயில்இல்லை அப்பொருள்
காப்பார்க்கும் இல்லை துயில்
— நான்மணிக்கடிகை

2. முதுமொழிக்காஞ்சி

• பல முதுமொழிகளைக் கோவையாக கொண்ட 100 வெண்பாக்கள்
• ஆசிரியர்: புலத்துறை முற்றிய கூடலூர்க்கிழார்

3. ஆசாரக்கோவை

• ஆசாரமாகிய ஒழுக்க விதிகளைக் கோவையாக கொண்ட 100 வெண்பாக்கள்
• ஆசிரியர்: பெருவாயின் முள்ளியார்

பிற்கால நீதிநூல்கள்

நூல்	ஆசிரியர்
அருங்கலச் செப்பு	பெயர் தெரியவில்லை
கபிலரகவல்	கபிலர்
அறநெறிச்சாரம்	முனைப்பாடியார்
கொன்றை வேந்தன்	ஒளவையார்
நறுந்தொகை	அதிவீரராம பாண்டியர்
மூதுரை	ஒளவையார்
திநெறிவிளக்கம்	குமரகுருபரர்
நல்வழி	ஒளவையார்
நன்னெறி	சிவப்பிரகாசர்
நீதி சிந்தாமணி	வேதகிரியார்
உலகநீதி	உலகநாதர்
பெண்மதிமாலை	வேதநாயகர்
முதுமொழி வெண்பா	பெயர் தெரியவில்லை
நீதிநூல்	வேதநாயகர்
ஆத்திசூடி	ஒளவையார்
நீதிபேதம்	வேதநாயகர்
விவேக சிந்தாமணி	பெயர் தெரியவில்லை
புதிய ஆத்திசூடி	பாரதியார்

கபிலர் அகவல்

• காலம்: பதினைந்தாம் நூற்றாண்டு
• ஆசிரியர்: கபிலர்

ஒன்றே செய்யவும் வேண்டும் ஒன்றும்
நன்றே செய்யவும் வேண்டும் நன்றும்
இன்றே செய்யவும் வேண்டும் இன்றும்
இன்னே செய்யவும் வேண்டும்
— கபிலர் அகவல்

நறுந்தொகை

• ஆசிரியர்: அதிவீரராம பாண்டியர்
• அறக்கருத்துக்களை எடுத்துரைக்கும் ஓரடிப் பாக்கள்

எழுத்தறி வித்தவ னிறைவ னாகும்
கல்விக் கழகு கசடற மொழிதல்
நாளுங் கிழமையும் நலிந்தோர்க் கில்லை
கேளுங் கிளையுங் கெட்டோர்க் கில்லை
— நறுந்தொகை

விவேகசிந்தாமணி

ஆசாரஞ் செய்வா ராகி லறிவோடு புகழு முண்டாம்
ஆசாரம் நன்மை யானா லவனியிற் றேவ ராவார்
ஆசாரஞ் செய்யா ராகி லறிவொடு புகழு மற்றுப்
பேசார்போற் பேச்சு மாகிப் பிணியொடு நரகில் வீழ்வார்
— விவேகசிந்தாமணி