மொழிவளத் தொடர்கள்

1. இணைத் தொடர்கள்

இணைத் தொடர்கள் என்பன ஒரே பொருள் நிலையிலோ எதிர் பொருள் நிலையிலோ அமைந்து இணைந்து வரும் தொடர்களாகும். இவை தமிழில் அடிக்கடி கையாளப்படுகின்றன.

வ.எண்	இணைத் தொடர்
1	அல்லும் பகலும்
2	ஆறு அமர
3	இழுபறி
4	இன்னார் இனியார்
5	ஈவிரக்கம்
6	உண்டியும் உறையுளும்
7	உருண்டு திரண்டு
8	எய்ப்பில் வைப்பாக
9	ஏறத்தாழ
10	ஏழை எளியவர்
11	ஒப்புயர்வற்ற
12	ஒளிவு மறைவில்லாமல்
13	ஓய்ச்சல் ஓழிவு
14	கண்ணும் கருத்துமாய்
15	கண்ணீரும் கம்பலையுமாக
16	சரமாரியாய்
17	சின்னஞ்சிறிய
18	சின்னா பின்னம்
19	சீரும் சிறப்புமாக
20	தட்டிக் கழித்தல்
21	தெள்ளத் தெளிய
22	தொன்று தொட்டு
23	நோய் நொடி
24	மூலைமுடுக்கு
25	பேரும் புகழும்
26	வழிவேல் விழி வைத்தல்
27	விருப்பு வெறுப்பு

2. உவமைத் தொடர்கள்

உவமைத் தொடர்கள் என்பன ஒரு பொருளை அல்லது செயலை இன்னொரு பொருளுக்கு அல்லது செயலுக்கு ஒப்பிட்டுக் கூறும் தொடர்களாகும். 'போல', 'என', 'போன்ற' என்னும் சொற்களுடன் வருவன.

வ.எண்	உவமைத் தொடர்
1	அடியற்ற மரம்போல
2	ஆலைவாய்க் கரும்பு போல
3	இடியோசை கேட்ட நாசம் போல
4	இலவு காத்த கிளியென
5	உடுக்கை இழந்தவன் கைபோல
6	உடும்பு பிடிபோல
7	உப்பிருந்த பாண்டம் போல
8	உமிக்குற்றிக் கை சலித்தாற் போல
9	ஒருதாய் வயிற்று மக்களைப் போல
10	காக்கை உட்காரப் பனம்பழம் விழுந்தாற்போல
11	கல்மேல் எழுத்துப் போல
12	கலம்பாலில் துளி நஞ்சு போல
13	குடத்திலிட்ட விளக்குப் போல
14	சர்க்கரைப் பந்தலில் தேன்மாரி பொழிந்தது போல
15	பசுமரத்தாணி போல
16	பகலவனைக் கண்ட பனிபோல
17	பூவுடன் சேர்ந்த நாரும் மணம் பெற்றாற்போல
18	மடை திறந்த வெள்ளம் போல
19	மழை முகம் காணாப் பயிர் போல
20	முடவன் கொம்புத் தேனுக்கு ஆசைப்பட்டதுபோல
21	முழு பூசணிக்காயைச் சோற்றில் மறைப்பதுபோல
22	மண் குதிரையை நம்பி ஆற்றில் இறங்கியதுபோல
23	மலரும் மணமும் போல
24	வெண்ணெய் திரண்டு வரும் போது தாழி உடைந்தாற் போல
25	வேலியே பயிரை மேய்வதுபோல
26	வெந்த புண்ணில் வேல் பாய்ந்தது போல

3. மரபுத் தொடர்கள்

மரபுத் தொடர்கள் என்பன நேரடி பொருள் கொடாமல், வழக்காறாக ஒரு குறிப்பிட்ட பொருளில் கையாளப்படும் தொடர்களாகும்.

வ.எண்	மரபுத் தொடர்	பொருள்
1	ஆழம் பார்த்தல்	மனநிலை அறிதல்
2	ஆறப்போடுதல்	நீட்டித்தல்
3	ஒருகைபார்த்தல்	சண்டைக்குப் போதல்
4	ஒருகாலில் நிற்றல்	பிடிவாதம் காட்டுதல்
5	கச்சை கட்டிக் கொண்டு	தீவிரம் காட்டுதல்
6	கம்பி நீட்டுதல்	ஓடிப் போதல்
7	கடை கட்டுதல்	செயலை நிறுத்தல்
8	குட்டு வெளிப்படல்	உண்மை வெளியாதல்
9	கயிறு திரித்தல்	பொய்ச் சொல்லிப் பரப்புதல்
10	காது குத்துதல்	ஏமாற்றுதல்
11	கடுக்காய் கொடுத்தல்	ஏமாற்றுதல்
12	கை கொடுத்தல்	உதவி செய்தல்
13	சாயம் வெளுந்துவிட்டது	உண்மை வெளிப்பட்டுவிட்டது
14	தலை தப்பினால் போதும்	உயிர் தப்பித்தல்
15	தலையிடு	குறுக்கிடுதல்
16	தாளம் போடல்	மறுக்காமல் ஏற்றுக் கொள்ளல்
17	நடுத்தெருவில்	ஆதாரவில்லாமல் செய்தல்
18	நீறு பூத்த நெருப்பு	உணர்ச்சி குன்றாமை
19	நெல்லிக்காய் மூட்டை	ஒற்றுமை இல்லாமை
20	பழுக்கப்போடு	காலம் தாழ்த்தல்
21	பூசி மெழுகுதல்	மறைத்தல்
22	வாய்ப்பூட்டு	பேசக் கூடாது என தடைவிதித்தல்
23	வாலாட்டுதல்	மீறி நடத்தல்
24	வெட்ட வெளிச்சம்	எல்லோருக்கும் தெரிதல்
25	முகத்தில் கரிபூசல்	தாழ்வு / இழிவுபடுத்துதல்
26	முழுக்குப் போடுதல்	கை விடுதல்

4. பழமொழிகள்

பழமொழிகள் என்பன முன்னோர் வாழ்க்கை அனுபவத்தின் வழி உருவான மொழிகள் ஆகும். இவை சுருங்கச் சொல்லி விளங்கவைக்கும் தன்மை கொண்டவை.

• அகத்தின் அழகு முகத்தில் தெரியும்
• அளவுக்கு விஞ்சினால் அமுதமும் நஞ்சு
• ஆனைக்கும் அடி சறுக்குமன்றோ?
• ஆனைக்கு ஒரு காலம் பூனைக் கொரு காலம்
• இஞ்சி லாபம் மஞ்சளில்
• இளங்கன்று பயமறியாது
• உப்பிட்டவரை உள்ளளவும்திணை
• உயர உயரப் பறந்தாலும் ஊர்க்குருவி பருந்தாகுமா?
• ஊர் இரண்டுபட்டால் கூத்தாடிக் கொண்டாட்டம்
• எருது நோய் – காக்கைக்குத் தெரியாது?
• எய்தவனிருக்க அம்பை நோவானேன்?
• ஏட்டுச் சுரைக்காய் கறிக்கு உதவுமா?
• ஒரு பானை சோற்றுக்கு ஒரு சோறு பதம்
• காற்றுள்ள போதே தூற்றிக் கொள்
• கெடுவான் கேடு நினைப்பான்
• சுடர் விளக்காயினும் தூண்டுகோல் வேண்டும்
• சுவரை வைத்தே சித்திரம் எழுத வேண்டும்
• தான் பிடித்த முயலுக்கு மூன்றே கால்
• திக்கற்றவாக்குத் தெய்வமே துணை
• தொட்டிற்பழக்கம் சுடுகாடு மட்டும்
• நத்தை வயிற்றிலும் முத்துப் பிறக்கும்
• நிழலின் அருமை வெயிலில் தெரியும்
• பழகப் பழகப் பாலும் புளிக்கும்
• புலிக்குப் பிறந்தது பூனையாகுமா?
• புலி பசித்தாலும் புல்லைத் தின்னாது
• பெண்ணென்றால் பேயும் இரங்கும்
• பொறுத்தார் பூமியாள்வார், பொங்கினார் காடாள்வார்
• மின்னுவதெல்லாம் பொன்னல்ல

மொழிவளத் தொடர்கள் — வகைகள் சுருக்கம்

வகை	விளக்கம்	எடுத்துக்காட்டு
இணைத் தொடர்கள்	இணைந்து வரும் ஒரே / எதிர் பொருள் தொடர்கள்	அல்லும் பகலும், விருப்பு வெறுப்பு
உவமைத் தொடர்கள்	போல், என, போன்ற என்னும் உவம உருபுடன் வரும் தொடர்கள்	பசுமரத்தாணி போல, மடை திறந்த வெள்ளம் போல
மரபுத் தொடர்கள்	வழக்காறான குறிப்பிட்ட பொருள் தரும் தொடர்கள்	கம்பி நீட்டுதல், கை கொடுத்தல்
பழமொழிகள்	முன்னோர் அனுபவத்தின் வழி உருவான சுருங்கிய மொழிகள்	அகத்தின் அழகு முகத்தில் தெரியும்