பறவைகள் பலவிதம்

பறவைகள் பலவிதம்

கூந்தன்குளம் - பறவைகளின் புகலிடம்

தமிழ்நாட்டில் திருநெல்வேலி மாவட்டத்தில் உள்ள சிற்றூர் கூந்தன்குளம். அந்த ஊர் மக்கள் பட்டாசே வெடிப்பதில்லை; திருமணம் நடைபெற்றாலும், திருவிழா நடைபெற்றாலும் டும்டும் ஒலி எழுப்பும் மேளதாளம் இடம்பெறாது. ஏனெனில், அந்த ஊரில் உள்ள பெரிய ஏரி பறவைகளின் புகலிடமாகத் திகழ்கிறது.

வலசை போதல் என்றால் என்ன?

பருவநிலை மாறும்போது பறவைகள் இடம்விட்டு இடம் பெயர்கின்றன. வெயில் சுட்டெரிக்கும் காலத்தை கோடைக்காலம் என்கிறோம். விடாமல் மழை பெய்தால் மழைக்காலம் என்கிறோம். மார்கழி மாதம் பனிபெய்யும்; அதை பனிக்காலம் என்கிறோம். வெயிலும் மழையும் பனியும் மாறிமாறி வருவதை பருவநிலை மாற்றம் என்கிறோம். இப்படிப் பறந்து செல்வதை வலசை போதல் என்பார்கள்.

பறவைகள் செய்யும் நன்மைகள்

• பறவைகள் ஒரு நாட்டில் பழங்களைத் தின்றுவிட்டுப் பறந்துசென்று இன்னொரு நாட்டில் எச்சமிடுகின்றன. அந்த எச்சம் மண்ணில் விழும்போது, அப்பழத்தின் விதை அங்கு முளைத்து மரமாகி விடுகிறது. இப்படி உலகம் முழுவதும் மரம், செடி, கொடிகளைப் பரப்பும் வேலையை பறவைகள் செய்கின்றன.
• வயல்வெளிகளில் பயிர்களைத் தாக்கும் பூச்சிகள், வண்டுகளை பறவைகள் தின்றுவிடுகின்றன. அதன்மூலம் பறவைகள் உழவர்களுக்கு உதவுகின்றன.
• பருவகால மாற்றத்தை நம்முன்னோர்கள் பறவைகளின் இடம் மாறுவதை வைத்துக் கணிப்பார்கள்.

பறவைகளின் வகைகள் (உணவு முறை அடிப்படையில்)

1. தேனைக் குடித்து வாழும் பறவைகள்
2. பழத்தை உண்டு வாழும் பறவைகள்
3. பூச்சியைத் தின்று வாழும் பறவைகள்
4. வேட்டையாடி உண்ணும் பறவைகள்
5. இறந்த உடல்களை உண்டு வாழும் பறவைகள்

வாழிடத்தின் படி பறவைகளின் வகைகள்

சமவெளி மரங்களில் வாழும் பறவைகள்	நீர்நிலைகளில் வாழும் பறவைகள்	மலைகளில் வாழும் பறவைகள்
மஞ்சள்சிட்டு, செங்காகம், கூடலைக்குயில், பனங்காடை, தூக்கணாங்குருவி	கொக்கு, தாழைக்கோழி, பவளக்காலி, ஆற்று உள்ளான், முக்குளிப்பான், நாரை, அரிவாள் மூக்கன், கரண்டிவாயன், ஊசிவால் வாத்து	இருவாச்சி, செந்தலைப் பூங்குருவி, மின்சிட்டு, கருஞ்சின்னான், நீலகிரி நெட்டைக்காலி, பொன்முதுகு, மரங்கொத்தி, சின்னக்குறுவான், கொண்டை உழவாரன், இராசாளிப் பருந்து, பூமன் ஆந்தை

தமிழ்நாட்டில் உள்ள பறவைகள் புகலிடங்கள்

தமிழ்நாட்டில் மட்டும் ஏறத்தாழ ஈராயிரத்து நானூறு வகை பறவைகள் வாழ்கின்றன. சில முக்கியமான புகலிடங்கள்:

• வேடந்தாங்கல் (காஞ்சிபுரம் மாவட்டம்)
• கரிக்கிரி (காஞ்சிபுரம் மாவட்டம்)
• கஞ்சிரங்குளம்
• சித்திரங்குடி
• பழவேற்காடு (திருவள்ளூர் மாவட்டம்)
• கூந்தன்குளம் (திருநெல்வேலி மாவட்டம்)
• கோடியக்கரை (நாகப்பட்டினம் மாவட்டம்)

பறவைகளை நாம் எவ்வாறு பாதுகாக்கலாம்?

• பறவைகளின் புகலிடங்களில் பட்டாசு வெடிக்கக் கூடாது.
• மேளதாளம் அடிக்கக் கூடாது.
• பறவைகளின் வாழ்விடங்களான மரங்களைப் பாதுகாக்க வேண்டும்.
• நாள்தோறும் விடியற்காலையிலும் மாலையிலும் பறவைகள் எழுப்பும் ஒலிகளைக் கூர்ந்து கேட்போம்.
• அருகிலுள்ள புகலிடத்துக்கு ஒருமுறையாவது சென்று வருவோம்.

பூநாரை பற்றி

பூநாரை நிலத்திலும் அடர் உப்புத்தன்மை உள்ள நீரிலும் வாழும். கடும் வெப்பத்தை எதிர்கொள்ளும் தன்மை உடையது.